Cur quereris cubitum, pudibunde, videns muliebre
Vel iugulum aspiciens, urere membra tua?
Sudares minus, o castissime, sole flagrante,
Si gereres manicas aptius ipse breves.
(Carmen ad virum quendam scripsi qui nuper -- tempore quidem Romae aestuosissimo -- mihi dixit Christianos homines plus quam vultum manusque numquam ostendere oportere. Ego vero de pudicitiae necessitate ei consentio, tamen non de hac pudicitiae strictissima definitione.)
2 weeks ago
2 comments:
Multum hoc carmen adamo! Quamquam mulieres christianos oportere uti pudentioribus vestibus quam nunc uti multas censeo, magni aestimo salsa carmina et dicta de talibus rebus.
Marco Valerio dignum. Zoerardo placet.
Post a Comment